Lista e fajtorëve

¹Ndërkohë që Esdra po lutej e po përlutej me lot për faqe, i shtrirë përdhe para Tempullit të Hyjit, u mblodh përreth tij një turmë e madhe izralitësh burra, gra e fëmijë dhe mbarë populli qante e vajtonte dhembshëm.

²Atëherë foli Sekenia, biri i Jehielit, nga bijtë e Elamit, e i tha Esdrës: »Ne qemë të pabesë ndaj Hyjit tonë dhe morëm gra të huajsh prej popujve të vendit. Megjithatë, ka ende shpresë për Izraelin!

³Të lidhim besëlidhje me Zotin, Hyjin tonë: t’i dëbojmë të gjitha gratë e huaja, edhe ata që lindën prej tyre, sipas këshillës tënde, imzot, dhe këshillës së atyre që dridhen para urdhrit të Zotit, Hyjit tonë! Le të bëhet ashtu si thotë Ligji!

⁴Çohu në këmbë! Ty të takon të vendosësh! Ne do të jemi më ty! Bëju i guximshëm edhe vepro!«

⁵U ngrit, pra, Esdra dhe i bëri të përbetohen krerët e priftërinjve e të levitëve dhe mbarë izraelitët se do të bëjnë si u tha. U përbetuan.

⁶Esdra u çua e u largua nga Tempulli i Hyjit. Shkoi në banesën e Johananit, birit të Eliasibit, dhe aty bujti. Nuk hëngri bukë as nuk piu ujë, sepse mbante zi për shkak të pabesnikërisë së të riatdhesuarve.

⁷Atëherë u çua fjala të gjithë të riatdhesuarve në Judë e në Jerusalem që të bashkohen:

⁸kush nuk do të vijë brenda tri ditëve në Jerusalem - kështu ishte vendimi i krerëve dhe i pleqve - do t’i merret gjithë pasuria, kurse ai do të përjashtohet nga bashkësia e të riatdhesuarve.

⁹Brenda tri ditëve u mblodhën të gjithë njerëzit e Judës dhe të Beniaminit në Jerusalem. Ishte muaji i nëntë, e njëzeta ditë e muajit. Mbarë populli u mblodh në sheshin e Shtëpisë së Hyjit, duke u dridhur për shkak të mëkateve dhe të shiut me shtërngatë.

¹⁰Atëherë u ngrit prifti Esdër dhe u tha: »Ju keni vepruar me pabesi kur jeni martuar me gra të huaja: kështu e keni shtuar mëkatin e Izraelit.

¹¹E tash jepni lavdi Zotit, Hyjit të etërve tuaj, dhe zbatojeni vullnetin e tij: ndahuni nga popujt e vendit dhe nga gratë e huaja!«

¹²Mbarë populli i përgjigji e me zë të lartë i tha: »Si po thua ti, ashtu le të bëhet!

¹³Por ka shumë popull, shiu nuk po ndalet dhe nuk mund të qëndrojmë jashtë, mandej kjo s’është punë që bëhet në një ose dy ditë - sepse jemi shumë që kemi gabuar në këtë pikë -

¹⁴mendojmë të caktohen krerët tanë, të cilët do të na përfaqësojnë në kuvendin e përbashkët dhe kështu, të gjithë ata tanët që kanë marrë gra nga të huajt, të paraqiten në kohë të caktuar, të përcjellë nga pleqtë e qytetit dhe gjyqtarët deri sa të largohet prej nesh hidhërimi i Hyjit tonë për shkak të këtij mëkati.«

¹⁵Vetëm Jonatani, biri i Asaelit, dhe Jaasia, biri i Tekuehut, u çuan kundër këtij parashtrimi. I përkrahu levitët, Mesolami dhe Sebetaji.

¹⁶Të riatdhesuarit bënë sipas parashtrimit. Prifti Esdër zgjodhi disa burra, zota shtëpish, sipas vëllazërive, të gjithë të caktuar me emër. U mblodhën për ta rrahur këtë çështje të parën ditë të muajit të dhjetë.

¹⁷Të parën ditë të muajit të parë i dhanë fund çështjes me të gjithë ata që kishin marrë gra të kombësive të huaja.

¹⁸Ndër anëtarët e priftërinjve që kishin marrë gra të huaja, u gjetën këta: ndër bijtë e Jesuasë, biri i Jozedekut dhe vëllezërit e tij: Maasia, Eliezeri, Jaribi e Godolia.

¹⁹Këta, dhanë fjalën se do t’i dëbojnë gratë e veta dhe si fli për shpërblimin e mëkatit do të kushtojnë nga një dash.

²⁰Nga bijtë e Emerit: Hananiu e Zebedia.

²¹Nga bijtë e Harimit: Maasia, Elia, Semeja, Jehieli e Ozia.

²²Nga bijtë e Fashurit: Elioenaji, Maasia, Ismaeli, Natanaeli, Jozabedi e Elasa.

²³Nga anëtarët e levitëve: Jozabedi, Semeji, Celaja, d.t.th. Kalita, Fetahia, Juda dhe Eliezeri.

²⁴Nga këngëtarët: Eliasibi. Nga derëtarët: Selumi, Telemi dhe Uriu.

²⁵Ndër izraelitët: Nga bijtë e Farosit: Remeja, Jezia, Melkia, Miamini, Eliezeri, Melkia e Baneja.

²⁶Nga bijtë e Elamit: Matania, Zakaria, Jehieli, Abdiu, Jerimoti dhe Elia.

²⁷Nga bijtë e Zetuasë: Elioenaji, Eliasibi, Matania, Jerimuthi, Zabadi dhe Aziza.

²⁸Nga bijtë e Bebajit: Johanani, Hanania, Zabaji e Atalaji.

²⁹Nga bijtë e Beguajit: Mosolami, Meluku, Adaja, Jasubi, Saali e Ramoti.

³⁰Nga bijtë e Fahatmoabit: Edna, Kalali, Banaja, Maasia, Matania, Beseleeli, Benuji e Manaseu.

³¹Nga bijtë e Harimit: Eliezeri, Jesia, Melkia, Semeja, Simeoni,

³²Beniamini, Maloku, e Samaria.

³³Nga bijtë e Hasumit: Matanaji, Matata, Zabadi, Elifaleti, Jermaji, Manaseu e Semeji.

³⁴Nga bijtë e Baniut: Maadiu, Amrami, Joeli,

³⁵Baneasi, Badajasi e Keliauhi,

³⁶Vania, Marimuthi, Eliasibi,

³⁷Matania, Matanaji dhe Jasiu.

³⁸Nga bijtë e Benujit: Semeji,

³⁹Salmijasi, Natani e Adajasi,

⁴⁰Meknedebaji, Sisaji, Saraji,

⁴¹Esdreli, Selemiauhi, Semeria,

⁴²Selumi, Amaria e Jozefi.

⁴³Nga bijtë e Nebos: Jehieli, Matatia, Zabadi, Zabina, Jeduhi, Joeli e Banaja.

⁴⁴Të gjithë këta ishin martuar me gra të popujeve paganë. Të gjithë i dëbuan gratë dhe fëmijët.