5. Lufta e re e sirianëve
Akabi ndërmerr një fushatë kundër Ramotit të Galaadit
1Kaluan tre vjet pa luftë ndërmjet Sirisë e Izraelit.
2Të tretin vit zbriti Jozafati, mbreti i Judës, te mbreti i Izraelit.
Vargu 2 · 0 komente
Hyr në llogari për të komentuar.
3Mbreti i Izraelit u tha shërbëtorëve të vet: »A nuk e dini se Ramoti i Galaadit është yni? E ne nuk bëmë asgjë për ta marrë prej dorës së mbretit të Sirisë.«
Vargu 3 · 0 komente
Hyr në llogari për të komentuar.
4Atëherë i tha Jozafatit: »A do të vish me mua për të luftuar në Ramotin e Galaadit?« Jozafati iu përgjigj mbretit të Izraelit:
Vargu 4 · 0 komente
Hyr në llogari për të komentuar.
5»Ç’do të ndodhë me mua, do të ndodhë me ty: populli im e populli yt janë një, kuajt e mi janë kuajt e tu!.«
Vargu 5 · 0 komente
Hyr në llogari për të komentuar.
Profetët e rrejshëm parakallëzojnë sukses
Jozafati i tha mbretit të Izraelit: »Kërkoje mu sot fjalën e Zotit!«
6Prandaj edhe i bashkoi mbreti i Izraelit profetët, rreth katërqind, e u tha: »A mund të shkoj të bëj luftë në Ramotin e Galaadit, apo të mos shkoj?« Ata iu përgjigjën: »Shko! Zoti e lëshon në dorën e mbretit!«
Vargu 6 · 0 komente
Hyr në llogari për të komentuar.
7Por Jozafati pyeti: »A mos ka këtu edhe ndonjë profet tjetër të Zotit që ta pyesim?«
Vargu 7 · 0 komente
Hyr në llogari për të komentuar.
8Mbreti i Izraelit iu përgjigj Jozafatit: »Është vetëm edhe një njeri, me anën e të cilit do të mund ta pyesnim Zotin, por unë atë nuk e duroj, sepse ai nuk më parakallëzon të mirën, por të keqen: është Mikeja, biri i Jemlës.« E Jozafati i tha: »Mos fol ashtu, o mbret!«
Vargu 8 · 0 komente
Hyr në llogari për të komentuar.
9Kështu, pra, mbreti i Izraelit thirri një nëpunës e i tha: »Shpejto e bjere këtu Mikenë, birin e Jemlës.«
Vargu 9 · 0 komente
Hyr në llogari për të komentuar.
10Mbreti i Izraelit dhe Jozafati, mbreti i Judës, rrinin secili në fronin e vet, të veshur me veshje mbretërore, në shesh afër hyrjes së qytetit të Samarisë dhe të gjithë profetët profetizonin para tyre.
Vargu 10 · 0 komente
Hyr në llogari për të komentuar.
11Sedecia, biri i Kanaanës, punoi për vete brirë hekuri e tha: »Kështu thotë Zoti: Me këta brirë do ta shporosh Sirinë derisa ta qesësh fare.«
Vargu 11 · 0 komente
Hyr në llogari për të komentuar.
12Po në këtë mënyrë profetizonin edhe të gjithë profetët e tjerë e thoshin: »Ngjitu në Ramotin e Galaadit e t’u priftë e mbara! Zoti do ta lëshojë në dorë të mbretit.«
Vargu 12 · 0 komente
Hyr në llogari për të komentuar.
Mikeja profet parakallëzon dështim
13Lajmëtari që shkoi ta ftojë Mikenë, i tha: »Ja, fjalët e profetëve: të gjithë njëzëri i parakallëzojnë mbretit mirë. Tashti edhe fjala jote le të jetë e mirë dhe parakallëzo sukses!«
Vargu 13 · 0 komente
Hyr në llogari për të komentuar.
14Por Mikeja iu përgjigj: »Pasha Zotin e gjallë, do të flas vetëm gjithçka të më thotë Zoti!«
Vargu 14 · 0 komente
Hyr në llogari për të komentuar.
15Erdhi, pra, te mbreti e mbreti i tha: »Mikè, a të shkojmë, a të mos shkojmë në Ramotin e Galaadit për të luftuar?« Ai iu përgjigj: »Shko e t’u priftë e mbara! Zoti do ta lëshojë në dorë të mbretit!«
Vargu 15 · 0 komente
Hyr në llogari për të komentuar.
16Porse mbreti i tha: »Prapë e prapë po të përbej të mos më folësh tjetër përveç së vërtetës në emër të Zotit.«
Vargu 16 · 0 komente
Hyr në llogari për të komentuar.
17Atëherë ai i tha: »Po e shoh mbarë Izraelin të shpërndarë nëpër male porsi delet që s’kanë bari. E Zoti thotë: ‘Këta njerëz nuk kanë prijës; secili le të kthehet në paqe në shtëpinë e vet!’«
Vargu 17 · 0 komente
Hyr në llogari për të komentuar.
18Prandaj edhe mbreti i Izraelit i tha Jozafatit: »A nuk të thashë se ky nuk ma parakallëzon të mirën, por gjithmonë të keqen?«
Vargu 18 · 0 komente
Hyr në llogari për të komentuar.
19Mikeja shtoi: »Për këtë arsye dëgjo fjalën e Zotit: E kam parë Zotin ndenjur mbi fronin e vet dhe mbarë ushtria qiellore qëndronte në këmbë në të djathtë e në të majtë të tij.
Vargu 19 · 0 komente
Hyr në llogari për të komentuar.
20E Zoti foli: ‘Kush do ta ngashnjejë Akabin që të shkojë e të mbesë i vrarë në Ramotin e Galaadit?’ Dikush fliste në një mënyrë e dikush në një tjetër.
Vargu 20 · 0 komente
Hyr në llogari për të komentuar.
21Atëherë hyri një shpirt, qëndroi para Zotit e tha: ‘Unë do ta gënjej!’ E Zoti e pyeti: ‘Në ç’mënyrë?’
Vargu 21 · 0 komente
Hyr në llogari për të komentuar.
22Ai tha: ‘Do të shkoj e do të bëhem shpirt rrenacak në gojën e të gjithë profetëve të tij.’ E Zoti i tha: ‘Do ta gënjesh e do t’ia dalësh! Shko e bëj ashtu!’
Vargu 22 · 0 komente
Hyr në llogari për të komentuar.
23Kështu, pra, Zoti e ka futur shpirtin rrenacak në gojën e të gjithë këtyre profetëve të tu, që janë këtu; por Zoti lidhur me ty lajmëron kob.«
Vargu 23 · 0 komente
Hyr në llogari për të komentuar.
24Atëherë u afrua Sedecia, biri i Kanaanës, dhe i ra Mikesë flakaresh e i tha: »Nga doli shpirti i Zotit prej meje për të folur me ty?«
Vargu 24 · 0 komente
Hyr në llogari për të komentuar.
25Mikeja iu përgjigj: »Do ta shohësh atë ditë, kur do të hysh nga një dhomë në tjetrën për t’u fshehur!«
Vargu 25 · 0 komente
Hyr në llogari për të komentuar.
26Foli mbreti i Izraelit: »Kape Mikenë dhe çoje te Amoni, kryetari i qytetit, dhe te Joasi, djali i mbretit
Vargu 26 · 0 komente
Hyr në llogari për të komentuar.
27dhe thuaju: ‘Kështu urdhëron mbreti: Futeni këtë njeri në burg dhe mbajeni vetëm me bukë e ujë sa t’i mbahet fryma derisa të kthehem unë shëndoshë e mirë.’«
Vargu 27 · 0 komente
Hyr në llogari për të komentuar.
28Mikeja tha: »Nëse ti do të kthehesh shëndoshë e mirë, atëherë Zoti nuk ka folur përmes meje.« E shtoi: »Dëgjoni, o popuj, të gjithë!«
Vargu 28 · 0 komente
Hyr në llogari për të komentuar.
Vdekja e Akabit në Ramot të Galaadit
29Shkuan, pra, mbreti i Izraelit dhe Jozafati, mbreti i Judës, në Ramotin e Galaadit.
Vargu 29 · 0 komente
Hyr në llogari për të komentuar.
30Mbreti i Izraelit i tha Jozafatit: »Për të hyrë në luftë vetë do t’i ndërroj petkat, kurse ti mos i ndërro petkat e tua.« Mbreti i Izraelit i ndërroi petkat e ra në luftë.
Vargu 30 · 0 komente
Hyr në llogari për të komentuar.
31Mbreti i Sirisë u kishte dhënë këtë urdhër tridhjetë e dy prijësve të karrocave të luftës: »Mos sulmoni as të voglin as të madhin, por vetëm mbretin e Izraelit.«
Vargu 31 · 0 komente
Hyr në llogari për të komentuar.
32Kur prijësit e karrocave të luftës e panë Jozafatin, e morën për mbretin e Izraelit dhe u versulën në luftë kundër tij. Jozafati bërtiti.
Vargu 32 · 0 komente
Hyr në llogari për të komentuar.
33Prijësit e karrocave të luftës e morën vesh se s’ishte mbreti i Izraelit, dhe u tërhoqën prej tij.
Vargu 33 · 0 komente
Hyr në llogari për të komentuar.
34Një njeri e tendosi harkun dhe pa shënuar e lëshoi shigjetën dhe i ra mbretit të Izraelit ndërmjet brezit e pancirit. Ai atëherë i tha karrocëtarit të vet: »Kthehu e më nxirr nga lufta se jam i plagosur rëndë.«
Vargu 34 · 0 komente
Hyr në llogari për të komentuar.
35Atë ditë lufta u ashpërsua shumë; megjithatë mbreti qëndronte në këmbë në karrocën e tij ballë për ballë me sirianët. Vdiq në mbrëmje. Prej plagës gjaku i ishte derdhur në karrocë.
Vargu 35 · 0 komente
Hyr në llogari për të komentuar.
36Në perëndimin e diellit nëpër mbarë ushtrinë u hap zëri: »Secili le të kthehet në qytetin e vet e në vendin e vet!«
Vargu 36 · 0 komente
Hyr në llogari për të komentuar.
37Mbreti, pra, vdiq dhe qe bartur në Samari. Mbretin e varrosën në Samari.
Vargu 37 · 0 komente
Hyr në llogari për të komentuar.
38Karrocën e tij e lanë në peshkoren e Samarisë dhe qentë e llapën gjakun e tij, po edhe laviret u lanë sipas fjalës së Zotit, që e kishte pasë thënë.
Vargu 38 · 0 komente
Hyr në llogari për të komentuar.
6. Pas vdekjes së Akabit
Përfundimi i mbretërisë së Akabit
39Veprat e tjera të Akabit dhe gjithçka bëri ai, si dhe shtëpia prej fildishit, të gjitha qytetet që i ndërtoi, pse a nuk janë këto të gjitha të shkruara në Librin e Analeve të mbretërve të Izraelit?
Vargu 39 · 0 komente
Hyr në llogari për të komentuar.
40Akabi pushoi pranë të parëve të vet. Në vend të tij u bë mbret Okozia, i biri.
Vargu 40 · 0 komente
Hyr në llogari për të komentuar.
Mbretërimi i Jozafatit në Jude /870-848/
41Kurse Jozafati, biri i Asës, u bë mbret i Judës në vitin e katërt të Akabit, mbretit të Izraelit.
Vargu 41 · 0 komente
Hyr në llogari për të komentuar.
42Ishte tridhjetepesëvjeçar kur filloi të mbretërojë dhe mbretëroi në Jerusalem njëzet e pesë vjet. Nëna e tij quhej Azubë. Ishte bija e Selahut.
Vargu 42 · 0 komente
Hyr në llogari për të komentuar.
43Eci udhës së babait të vet, Asës, dhe nuk iu shmang asaj. Bëri çka ishte e drejtë para syve të Zotit.
Vargu 43 · 0 komente
Hyr në llogari për të komentuar.
44Megjithatë lartësirat nuk i zhduku; sepse populli gjithnjë flijonte dhe digjte kem në lartësira.
Vargu 44 · 0 komente
Hyr në llogari për të komentuar.
45Porse Jozafati bëri paqe me mbretërit e Izraelit.
Vargu 45 · 0 komente
Hyr në llogari për të komentuar.
46Veprat e tjera të Jozafatit dhe trimëritë si dhe luftërat që i bëri, a nuk janë këto të shkruara në Librin e Analeve të mbretërve të Judës?
Vargu 46 · 0 komente
Hyr në llogari për të komentuar.
47Ai i dëboi prej vendit edhe laviret e kushtuara që kishin mbetur në kohën e Asës, babës së tij.
Vargu 47 · 0 komente
Hyr në llogari për të komentuar.
48Asohere nuk kishte mbret në Edom, por qeveritar të mbretit.
Vargu 48 · 0 komente
Hyr në llogari për të komentuar.
49Mbreti Jozafat ndërtoi edhe flotën e Tarsit për të lundruar në Ofir e për të sjellë ar; por nuk shkuan, sepse u thyen në Asiongaber.
Vargu 49 · 0 komente
Hyr në llogari për të komentuar.
50Atëherë Okozia, biri i Akabit, i tha Jozafatit: »Le të shkojnë shërbëtorët e mi me shërbëtorët e tu në anije«, por Jozafati nuk deshi.
Vargu 50 · 0 komente
Hyr në llogari për të komentuar.
51Jozafati pushoi me të parët e vet dhe qe varrosur me ta në Qytetin e Davidit, stërgjyshit të vet. Në vend të tij u bë mbret Jorami, i biri.
Vargu 51 · 0 komente
Hyr në llogari për të komentuar.
Mbreti Okozia i Izraelit /853-852/ dhe Elia profet
52Okozia, biri i Akabit, kishte filluar të mbretëronte në Samari mbi Izraelin në vitin e shtatëmbëdhjet të mbretërimit të Jozafatit, mbretit të Judës. Mbretëroi mbi Izrael dy vjet.
Vargu 52 · 0 komente
Hyr në llogari për të komentuar.
53Bëri të keqen ndër sytë e Zotit dhe eci udhës së babës së vet e të nënës së vet dhe udhës së Jeroboamit, birit të Nabatit, i cili e ngashnjeu Izraelin të mëkatonte.
Vargu 53 · 0 komente
Hyr në llogari për të komentuar.
54I shërbeu Baalit dhe e adhuronte. Kështu e hidhëroi Zotin, Hyjin e Izraelit, pikërisht siç kishte vepruar i ati i tij.
Vargu 54 · 0 komente
Hyr në llogari për të komentuar.
Vargu 1 · 0 komente
Hyr në llogari për të komentuar.