1I caktoi shtatëdhjetë mijë vetë bartës krahu dhe tetëdhjetë mijë gdhendës guri në mal dhe tri mijë e gjashtëqind kryepunëtorë.
2Atëherë i çoi fjalë Hiramit, mbretit të Tirit: “Siç ke vepruar me babain tim Davidin dhe i ke dërguar lëndë cedri që ta ndërtonte pallatin për të banuar ai në të,
Vargu 2 · 0 komente
Hyr në llogari për të komentuar.
3po ashtu vepro edhe për mua që t’ia ndërtoj një Shtëpi Emrit të Zotit, Hyjit tim, e ta shuguroj për të djegur para tij erëra të këndëshme tymuese, për të kushtuar vazhdimisht bukë dhe fli shkrumbimi në mëngjes e në mbrëmje, të shtunave, hënëve të reja dhe në të gjitha të kremtet e Zotit, Hyjit tonë, për amshim që i janë urdhëruar Izraelit.
Vargu 3 · 0 komente
Hyr në llogari për të komentuar.
4Shtëpia, të cilën dëshiroj ta ndërtoj, është e madhe, sepse i madh është Zoti ynë përmbi të gjithë zotat.
Vargu 4 · 0 komente
Hyr në llogari për të komentuar.
5E kush do të kishte mundësi ti ndërtojë Atij një Shtëpi të denjë? Në qoftë se qiejt dhe qiejt e qiejve nuk mund ta zënë Atë, po kush jam unë që të mund t’ia ndërtoj Shtëpinë? Por vetëm kaq sa të digjet kemi në praninë e tij.
Vargu 5 · 0 komente
Hyr në llogari për të komentuar.
6Tani, ma dërgo një njeri të ditur që di të punojë me ar, me argjend, me bronz, me hekur, me purpur të kuq e ngjyrë vjollcë e që të jetë i ushtruar në mjeshtrinë e skalitjes; ai do të punojë me këta artizanët që i kam në Jude e në Jerusalem, të cilët i përgatiti im atë Davidi.
Vargu 6 · 0 komente
Hyr në llogari për të komentuar.
7Ti më dërgo edhe lëndë cedri, bredhi e pishe prej Libanit. Unë e di se shërbëtorët e tu dinë ta presin drurin e Libanit, madje edhe shërbëtorët e mi do të jenë me shërbëtorët e tu
Vargu 7 · 0 komente
Hyr në llogari për të komentuar.
8që të më përgatiten lëndë të shumta, sepse Shtëpia që dëshiroj ta ndërtoj duhet të jetë e vetme dhe e madhërishme.
Vargu 8 · 0 komente
Hyr në llogari për të komentuar.
9Druprerësve, shërbëtorëve të tu, do tu jap si ushqim njëzet mijë kora grurë po edhe aq kora elb, njëzet mijë batë verë si dhe njëzet mijë batë vaj”.
Vargu 9 · 0 komente
Hyr në llogari për të komentuar.
10E Hirami, mbreti i Tirit, iu përgjigj me anë të një letre që ia dërgoi Salomonit: “Pasi Zoti e deshi popullin e vet, bëri që ti të mbretërosh mbi të”.
Vargu 10 · 0 komente
Hyr në llogari për të komentuar.
11Dhe shtoi: “Bekuar qoftë Zoti, Hyji i Izraelit, i cili bëri qiellin e tokën, që ia dha Davidit mbret një djalë të dijshëm, të mençur, të arsyeshëm e të urtë që të ndërtojë Shtëpi në nder të Zotit dhe pallat për vete.
Vargu 11 · 0 komente
Hyr në llogari për të komentuar.
12Tani po ta dërgoj një njeri të urtë, të dijshëm si ai, Hiramin, mjeshtrin tim,
Vargu 12 · 0 komente
Hyr në llogari për të komentuar.
13djalin e njërës prej bijave të Danit, babai i të cilit qe tiras. Ky di të punojë në arë e në argjend, në bronz e në hekur, në gur e në dru, në purpur, në pëlhurë ngjyrë vjollcë e në pëlhurë të kuqe. Di të gdhendë çdo gdhendje; ia pret mendja hollë e, çka i sheh syri, ia bën dora. Do të punojë me mjeshtrit e tu dhe me mjeshtrit e zotërisë tim, Davidit, babait tënd.
Vargu 13 · 0 komente
Hyr në llogari për të komentuar.
14Ti imzot, veç dërgoje grurin, elbin, vajin, verën që i ke premtuar për shërbëtorët e tu.
Vargu 14 · 0 komente
Hyr në llogari për të komentuar.
15Ne do ti presim drurët nga Libani aq sa të të nevojiten dhe do ti përcjellim me trapa nëpër det në Jope e ty të mbetet vetëm ti shpiesh në Jerusalem”.
Vargu 15 · 0 komente
Hyr në llogari për të komentuar.
Punimet
16Atëherë Salomoni i regjistroi të gjithë burrat ardhacakë që ishin në tokën e Izraelit, pas numërimit që e bëri babai i tij, Davidi, dhe dolën njëqind e pesëdhjetë e tri mijë e gjashtëqind.
Vargu 16 · 0 komente
Hyr në llogari për të komentuar.
17Prej tyre i caktoi shtatëdhjetë mijë bartës dhe tetëdhjetë mijë gurnxjerrës në gurore, kurse për kryepunëtorë të tyre i caktoi tri mijë e gjashtëqind vetë.
Vargu 17 · 0 komente
Hyr në llogari për të komentuar.
Vargu 1 · 0 komente
Hyr në llogari për të komentuar.