Lëvdata për Mardokeun

¹Mbreti Asuer i ngarkoi me paga e të dhjeta tokën dhe ishujt e detit.

²Të gjitha veprat e mëdha e të sundimit të tij të fuqishëm, si dhe madhëria në të cilën e lartësoi Mardokeun, janë të shkruara në Librin e Kronikave të mbretërve të medëve e të persianëve,

³se si pra, Mardokeu, një jude, u bë i dyti pas mbretit Asuer, njeri i madh në sy të judenjve, i pranuar nga vëllezërit e vet, si luftëtar që kërkoi të mirën e popullit të vet dhe veproi për paqen dhe mirëqenien e gjakut të vet.

³Mardokeu pohoi haptas para të gjithëve: “Të gjitha këto të mira janë vepër e Hyjit!”

³Mardokeut i ra ndër mend ëndrra që kishte parë, e cila krejtësisht u vërtetësua: s’mbeti asgjë pa shkuar në vend.

³“Përroi i vogël që u rrit e u bë lumë, drita, dielli e uji i shumtë: burimi e lumi është Estera, që mbreti e mori për grua dhe e bëri mbretëreshë;

³kurse dy dragonjtë unë dhe Amani;

³popujt që u bashkuan, janë ata që u munduan ta shlyejnë emrin e judenjve;

³kurse populli im, d. t. th. Izraeli, janë ata që e thirrën në ndihmë Zotin. Dhe Zoti e shpëtoi popullin e vet dhe na shpëtoi ne nga të gjitha të këqijat dhe bëri shenja të mëdha e mrekulli, që nuk janë bërë kurrë ndër paganë.

³Ai caktoi të hidhen dy shorte: njërin për popullin e Hyjit e tjetrin për të gjithë paganët.

³Shortet dolën në kohë të caktuar e në ditë të gjyqit para Hyjit kundër të gjithë paganëve.

³Hyjit i ra ndër mend populli i vet dhe e shfajësoi trashëgimin e vet.

³Le të mbahen këto ditë në muajin Adar, e katërmbëdhjeta dhe e pesëmbëdhjeta ditë e të njëjtit muaj, si ditë gazmendi, hareje e gëzimi në praninë e Hyjit brez pas brezi tani e tutje në popullin e Izraelit”.