Paqja e përhershme
1Vegimi që pa Isaia, biri i Amosit, në lidhje me Judën e Jerusalemin.
2Do të ndodhë në kohën e ardhshme: mali i Shtëpisë së Zotit do të vendoset mbi majën e maleve, e do të ngallitë përmbi kreshta dhe të gjithë popujt do të ngarendin tek ai.
Vargu 2 · 0 komente
Hyr në llogari për të komentuar.
3Tek ai do të shkojnë shumë popuj e do të thonë: “Ejani të ngjitemi në malin e Zotit, në Shtëpinë e Hyjit të Jakobit që të na i mësojë udhët e tij e të ecim shtigjeve të tij, ” sepse nga Sioni do të dalë Ligji dhe nga Jerusalemi fjala e Zotit.
Vargu 3 · 0 komente
Hyr në llogari për të komentuar.
4Ai do të jetë gjykatësi i popujve dhe do t’i gjykojë fiset e shumta, shpatat e veta do t’i kthejnë në plorë e heshtat në drapërinj. Një popull nuk do të ngrejë shpatën kundër një populli tjetër dhe më s’do të ushtrohen për luftë.
Vargu 4 · 0 komente
Hyr në llogari për të komentuar.
5Eja, o shtëpia e Jakobit, të ecim në dritën e Zotit!
Vargu 5 · 0 komente
Hyr në llogari për të komentuar.
Shkëlqimi e madhëria e Zotit
6Po, ti e përbuze popullin tënd, shtëpinë e Jakobit, sepse janë plot me shortarë të lindjes e me fallxhorë porsi filistenjtë dhe ua shtrijnë dorën të huajve.
Vargu 6 · 0 komente
Hyr në llogari për të komentuar.
7Toka e tij është plot me argjend e me ar, visaret e tij janë të pambarim.
Vargu 7 · 0 komente
Hyr në llogari për të komentuar.
8Vendi i tij është plot me kuaj, të panumërta janë karrocat e tij. Plot është vendi i tij me idhuj: adhurojnë veprat e duarve të veta, që i punuan gishtat e tyre.
Vargu 8 · 0 komente
Hyr në llogari për të komentuar.
9U përul vdekatari, për dhe u përvujtërua burri: Ti falje mos u jep!
Vargu 9 · 0 komente
Hyr në llogari për të komentuar.
10Futu në shpellë, fshehu në pluhur para fytyrës së tmerrshme të Zotit e para shkëlqimit të madhërisë së tij,
Vargu 10 · 0 komente
Hyr në llogari për të komentuar.
11Sytë krenarë të njeriut do të përvujtërohen, do të kërruset madhështia e njerëzve: atë ditë do të lartësohet vetëm Zoti.
Vargu 11 · 0 komente
Hyr në llogari për të komentuar.
12Po, ajo do të jetë dita e Zotit të Ushtrive, për të përulur çdo krenar e madhështor, kundër çdo madhështie për ta përulur;
Vargu 12 · 0 komente
Hyr në llogari për të komentuar.
13kundër çdo cedri të lartë e të madh të Libanit, kundër të gjithë lisave të Basanit,
Vargu 13 · 0 komente
Hyr në llogari për të komentuar.
14kundër të gjitha bjeshkëve të larta kundër të gjitha kreshtave të mprehta,
Vargu 14 · 0 komente
Hyr në llogari për të komentuar.
15kundër çdo pirgu të lartë, kundër çdo muri të forcuar,
Vargu 15 · 0 komente
Hyr në llogari për të komentuar.
16kundër të gjitha anijeve të Tarsisit dhe kundër të gjitha anijeve luksoze.
Vargu 16 · 0 komente
Hyr në llogari për të komentuar.
17Do të përulet krenaria njerëzore, do të përulet madhështia e të mëdhenjve: vetëm Zoti atë ditë do të lartësohet,
Vargu 17 · 0 komente
Hyr në llogari për të komentuar.
18copë e grimë idhujt do të bëhen.
Vargu 18 · 0 komente
Hyr në llogari për të komentuar.
19Do të hyjnë ndër zgavrra tani e do të struken nëpër shpella të tokës para fytyrës së tmerrshme të Zotit e para lavdisë së tij kur të çohet ta dridhë tokën.
Vargu 19 · 0 komente
Hyr në llogari për të komentuar.
20Atë ditë njeriu do tua flakë idhujt e vet të argjendtë e idhujt e artë që i punoi për vete për t’i adhuruar, minjve e lakuriqëve,
Vargu 20 · 0 komente
Hyr në llogari për të komentuar.
21e do të hyjë në biga të qetave e në shpella të shkëmbinjve para fytyrës së tmerrshme të Zotit e para shkëlqimit të madhërisë së tij, kur të çohet ta dridhë tokën.
Vargu 21 · 0 komente
Hyr në llogari për të komentuar.
22Pushoni së shpresuari në njeriun, jeta e të cilit është vetëm një frymë në vrimat e hundës. Çvlerë mund të ketë pra, ai?
Vargu 22 · 0 komente
Hyr në llogari për të komentuar.
Vargu 1 · 0 komente
Hyr në llogari për të komentuar.