1Atëherë i drejti do të qëndrojë ballëlart përballë atyre që e kanë salvuar dhe që i përbuzën vuajtjet e tija.
2Posa ta shohin do ti përshkojë një tmerr i madh dhe do të çuditen për shpëtimin e tij të papritur
Vargu 2 · 0 komente
Hyr në llogari për të komentuar.
3e do të thonë në vetvete, të penduar, e do të rënkojnë për shkak të shpirtngushtësisë së tyre:
Vargu 3 · 0 komente
Hyr në llogari për të komentuar.
4“Ja ai që dikur e kemi përqeshur dhe e kemi vënë në bisht të lahutës për ta poshtëruar. Të marrë ishim ne që e çmonim marrëzi jetën e tij e mbarimin e tij të pander!
Vargu 4 · 0 komente
Hyr në llogari për të komentuar.
5Po tani vallë si është numëruar ndër bijtë e Hyjit dhe fati i tij na qenka të jetë me shenjtër?
Vargu 5 · 0 komente
Hyr në llogari për të komentuar.
6Po, se ne e paskemi gabuar udhën e të vërtetës, dhe nuk na ka ndriçuar drita e drejtësisë e për ne nuk paska pasë lindur dielli!
Vargu 6 · 0 komente
Hyr në llogari për të komentuar.
7Kemi qenë ngatërruar në ferrat e paudhësisë e të bjerrjes dhe ecëm udhës së shkretëtirës të papërshkueshme e nuk e kemi njohur udhën e Zotit.
Vargu 7 · 0 komente
Hyr në llogari për të komentuar.
8Çvlerë pati për ne madhështia? Ç’të mirë na solli pasuria me krenari?
Vargu 8 · 0 komente
Hyr në llogari për të komentuar.
9Kaluan të gjitha porsi hije, si lajmi që jepet në vrapim,
Vargu 9 · 0 komente
Hyr në llogari për të komentuar.
10si anija që e përshkon ujët me valë, kalimit të së cilës nuk mund t’i gjendet gjurmë as hullisë të kurrizit të saj mbi valë;
Vargu 10 · 0 komente
Hyr në llogari për të komentuar.
11si shpendi që fluturon nëpër ajër e nuk lë shenjë të kalimit të vet: çan ajrin e lehtë rrahja e flatrave ai ndahet nga forca e të sjellurave dhe pershkohet nga krahët në lëvizje, por, pas kalimit, kurrfarë shenjë e udhës nuk mbetet;
Vargu 11 · 0 komente
Hyr në llogari për të komentuar.
12ose edhe porsi shigjeta e lëshuar në vend të caktuar: ajri ndahet, por menjëherë kthehet në vend të vet dhe kështu s’mund t’i dihet udha e kalimit të saj.
Vargu 12 · 0 komente
Hyr në llogari për të komentuar.
13Kështu edhe ne, posa lindëm, menjëherë vdiqëm, nuk mundëm as ta dëftojmë shenjën e virtytit, në paudhësinë tonë krejtësisht u shuam”.
Vargu 13 · 0 komente
Hyr në llogari për të komentuar.
14Vërtet, shpresa e të patenzonit është si hedha që e mbart era, porsi shkuma e hollë që e zhduk stuhia, porsi tymi që e shpërdan era, kalon porsi kujtimi i mikut të njëditshëm.
Vargu 14 · 0 komente
Hyr në llogari për të komentuar.
15Kurse të drejtët jetojnë gjithmonë, shpërblimi i tyre është në dorën e Zotit, i Tejetlarti përkujdeset për ta.
Vargu 15 · 0 komente
Hyr në llogari për të komentuar.
16Prandaj edhe do ta marrin kurorën e lavdisë, një kezë të bukur nga dora e Zotit, sepse e djathta e tij do t’u dalë zot e krahu i tij do t’i mbrojë.
Vargu 16 · 0 komente
Hyr në llogari për të komentuar.
17Zellin e vet ai do ta marrë për armë, krijesën do ta armatosë për të ndëshkuar armiqtë,
Vargu 17 · 0 komente
Hyr në llogari për të komentuar.
18për mburojë do të veshë drejtësinë, për përkrenare do të marrë gjyqin e e pagabueshëm,
Vargu 18 · 0 komente
Hyr në llogari për të komentuar.
19për shqyt të pathyeshëm do të marrë shenjtërinë.
Vargu 19 · 0 komente
Hyr në llogari për të komentuar.
20Zemërimin e vet të ashpër do ta mbrehë për heshtë, dhe rruzulli do të luftojë bashkë me të kundër të patenzonëve.
Vargu 20 · 0 komente
Hyr në llogari për të komentuar.
21Do të shkojnë mirë të drejtuara gjuajtjet e rrufeve dhe, si prej harkut të ngrehur mirë, nga retë do të sulen drejt e në shenjë,
Vargu 21 · 0 komente
Hyr në llogari për të komentuar.
22me bahe gurhedhëse do të hidhen kokrra breshëri të mbushura me zemërimi; kundër tyre do të tërbohet ujët e detit, lumenjtë do t’i vërshojnë pa mëshirë.
Vargu 22 · 0 komente
Hyr në llogari për të komentuar.
23Një erë e fuqishme do të ngrihet kundër tyre dhe do t’i shpartallojë porsi vorbulla. Kështu paudhësia do ta shkretojë mbarë dheun, mbrapshtia do ti rrëzojë fronet e pushtetmëdhenjve.
Vargu 23 · 0 komente
Hyr në llogari për të komentuar.
Vargu 1 · 0 komente
Hyr në llogari për të komentuar.